რა მოხდება, თუ შაბათი, ჩვეულებრივი დასვენების დღის ნაცვლად, პატარა მეცნიერის, გამომგონებლის, არქიტექტორის ან მკვლევრის შემოქმედებით დღედ გარდაიქმნება?

„მონტესორი უნივერსის“, საერთაშორისო, ავტორიზებული ბაღის, შაბათის პროგრამა აერთიანებს მონტესორის პრინციპებზე დაფუძნებულ პრაქტიკულ სწავლებას, STEAM პროექტებს, შემოქმედებით სახელოსნოს, სამეცნიერო ექსპერიმენტებსა და ცხოვრებისეულ გამოწვევებზე დაფუძნებულ ამოცანებს.   

აქ ბავშვები აღმოჩენებით, პრაქტიკითა და საკუთარი გამოცდილებით ისწავლიან. დასვამენ კითხვებს, თავად მიაგნებენ პასუხებს, გამოცდიან იდეებს და ჩანაფიქრს რეალურ შედეგად აქცევენ.

• პერიოდი: ყოველ შაბათს, 21 ნოემბრიდან 26 დეკემბრის ჩათვლით;
• 3-5 წლის ბავშვებისთვის: შაბათი, 10:00-დან 12:45 საათამდე;
• 5-7 წლის ბავშვებისთვის: შაბათი, 14:00-დან 16:30 საათამდე.
• ღირებულება: 450 ლარი.
• სარეგისტრაციო საფასური: 50 ლარი (თანხა უკან არ ბრუნდება).

შენიშვნა: სარეგისტრაციო საფასური გამოაკლდება მთლიან ღირებულებას. დარჩენილი 400 ლარის გადახდა უნდა მოხდეს სწავლის დაწყებისთანავე.

„მონტესორი უნივერსის“ შაბათის ბაღი ექვს მიმართულებას მოიცავს:

1. დამოუკიდებელი ცხოვრების ლაბორატორია

• შინაარსი: ბავშვი ყოველდღიურ ცხოვრებაში საჭირო უნარებს ეზიარება: საქმის ორგანიზება, საკუთარ ნივთებზე ზრუნვა, მარტივი ამოცანების დამოუკიდებლად შესრულება, დროისა და რესურსების მართვა.
• შედეგი: მეტი დამოუკიდებლობა, პასუხისმგებლობა და თავდაჯერებულობა.

2. პატარა მეცნიერები

• შინაარსი: რატომ ტივტივებს ზოგიერთი ნივთი, ზოგი კი იძირება? როგორ ჩნდება ჩრდილი? რა ცვლის წყლის მდგომარეობას? შესაძლებელია თუ არა საკუთარი ჰიპოთეზის გამოცდა? ბავშვები ჩაატარებენ უსაფრთხო ექსპერიმენტებს, დააკვირდებიან მოვლენებს, გამოთქვამენ ვარაუდებს და თავად აღმოაჩენენ მიზეზ-შედეგობრივ კავშირებს.
• შედეგი: ცნობისმოყვარეობა, დაკვირვება, კვლევა და კრიტიკული აზროვნება.

3. გამომგონებლების სახელოსნო და პატარა მკვლევრები

• შინაარსი: როგორ ცხოვრობენ ადამიანები მსოფლიოს სხვადასხვა კუთხეში? როგორია მათი სახლები, ტრადიციები, საკვები და გარემო? რატომ განსხვავდება ბუნება სხვადასხვა ქვეყანაში? ბავშვები შეისწავლიან სამყაროს რუკების, ვიზუალური მასალების, მოდელების, თამაშებისა და შემოქმედებითი პროექტების საშუალებით. შექმნიან საკუთარ კონსტრუქციებს, გამოიგონებენ ნივთებს, ააშენებენ ხიდებსა და კოშკებს, შეამოწმებენ მათ გამძლეობას და შემდეგ თავადვე გააუმჯობესებენ საკუთარ მოდელებს. ჩვენთან იდეა მხოლოდ იდეად არ დარჩება. მას რეალური ფორმა მიეცემა.
• შედეგი: საინჟინრო აზროვნება, პრობლემების გადაჭრა და გამძლეობა სირთულეების დაძლევისას; თვალსაწიერის გაფართოება, დაკვირვება, ინტერესი კულტურების მიმართ და სამყაროს უკეთ შეცნობა.

4. მათემატიკა რეალურ ცხოვრებაში

• შინაარსი: მათემატიკა მხოლოდ რიცხვები და სავარჯიშოები არ არის. ბავშვები თამაშითა და პრაქტიკული ამოცანებით შეისწავლიან გაზომვას, ფორმებს, რაოდენობას, თანმიმდევრობასა და ლოგიკას. დაგეგმავენ, დათვლიან, შეადარებენ და მოძებნიან პრობლემის გადაჭრის სხვადასხვა გზას.
• შედეგი: მათემატიკური აზროვნების განვითარება.

5. სიტყვებისა და ისტორიების სამყარო

• შინაარსი: ისტორიების შექმნა, სიტყვებით თამაში, გამოცანები, როლური თამაშები, ამბის გაგრძელება და პატარა პრეზენტაციები ბავშვს საკუთარი აზრების გამოხატვაში ეხმარება. პატარები ისწავლიან არა მხოლოდ საუბარს, არამედ მოსმენას, კითხვების დასმასა და საკუთარი იდეების სხვებისთვის გაზიარებას.
• შედეგი: ლექსიკის გამდიდრება, მეტყველების, კომუნიკაციისა და თვითგამოხატვის უნარების გაუმჯობესება.

6. ხელოვნებისა და შემოქმედების სივრცე; მუსიკა, რიტმი და მოძრაობა

• შინაარსი: ხატვა, ძერწვა, კოლაჟი, გადამუშავებადი მასალებით მუშაობა და მცირე ხელსაქმე (მასტერკლასისთვის მოწვეული იქნებიან მხატვრებიც). ბავშვები ჩაატარებენ ექსპერიმენტებს მასალებითა და ფორმებით, შექმნიან საკუთარ ნამუშევრებს და ისწავლიან, რომ ერთი იდეის განხორციელება მრავალი გზით შეიძლება. მუსიკალური თამაშები, რიტმული იმპროვიზაცია, სხეულის მოძრაობა, კოორდინაციის სავარჯიშოები და მოძრაობით ისტორიების გადმოცემა.
• შედეგი: შემოქმედებითი აზროვნებისა და წვრილი მოტორიკის განვითარება, მოთმინების უნარის გამომუშავება და საკუთარი იდეების განხორციელების შესაძლებლობა; სხეულის კონტროლი, რიტმის შეგრძნება, კოორდინაცია და ემოციური თვითგამოხატვა.

რას მიიღებს მოსწავლე 6 შეხვედრის შემდეგ?

არა მხოლოდ საინტერესო შაბათს, არამედ გამოცდილებას, რომელიც დაეხმარება:

• დამოუკიდებლად მოქმედებაში;
• საკუთარი აზრების გამოხატვასა და დასაბუთებაში;
• პრობლემების გადაჭრის გზების ძიებაში;
• შემოქმედებითად და ლოგიკურად აზროვნებაში;
• გუნდის წევრად ყოფნაში;
• დაწყებული საქმის ბოლომდე მიყვანაში;
• ახალი გამოწვევებისადმი ინტერესისა და საკუთარი შესაძლებლობების რწმენის განვითარებაში.

6 შეხვედრა ცნობისმოყვარეობის, შემოქმედებითი აზროვნებისა და საკუთარი შესაძლებლობების რწმენისთვის!